ଦ୍ୱିତୀୟ ରଜନୀ ଶିବଧନୁ ଭଗ୍ନ୍ ମଞ୍ଚସ୍ଥ, ଶ୍ରୀରାମଙ୍କ ବିବାହ ଶୋଭାଯାତ୍ରା

ଲୋକକଲା ଗ୍ରାମ ନାରାୟଣନଗର ରାମଲୀଳା : ଦ୍ୱିତୀୟ ରଜନୀ ଶିବଧନୁ ଭଗ୍ନ୍ ମଞ୍ଚସ୍ଥ, ଶ୍ରୀରାମଙ୍କ ବିବାହ ଶୋଭାଯାତ୍ରା ବୌଦ୍ଧ ବ୍ଲକ ଲକ୍ଷ୍ମୀପ୍ରସାଦ ପଂଚାୟତ ଲୋକକଳା ଗ୍ରାମ ନାରାୟଣନଗର ଗ୍ରାମରେ ଶ୍ରୀଶ୍ରୀ ରାମଲୀଳା ସାଂକୃତିକ ପରିଷଦ ପକ୍ଷରୁ ରାମଲୀଳା ନାଟ୍ୟ ମଣ୍ଡପରେ ଦ୍ୱିତୀୟ ରଜନୀ ନାଟକ ଶିବ ଧନୁ ଭଗ୍ନ ମଞ୍ଚସ୍ଥ ହୋଇଯାଇଛି l ଏହି ରାଜନୀରେ ଅନୁଷ୍ଟିତ ନାଟକରେ ରାମଚନ୍ଦ୍ର ତlଡକା ବଂଶକୁ ବଧ କରି ବିଶ୍ଵାମିତ୍ର ମୁନିଙ୍କ ଆଶ୍ରମରେ ପହଂଚି ଥିଲେ l ଏହା ପରେ ସୁବାକୁ ଓ ମରିଚ ଅସୁରକୁ ବଧ କରି ରାକ୍ଷସ ମାନଙ୍କ କବଳରୁ ମୁନି ଋଷି ମାନଙ୍କୁ ଉଦ୍ଧାର କରି ଶାନ୍ତି ପ୍ରତିଷ୍ଠା କରିଥିଲେ l ବିଶ୍ଵାମିତ୍ର ମୁନିଙ୍କ ସାଙ୍ଗେ ରାମ, ଲକ୍ଷ୍ମଣ ଯାଇ ପାଷାଣ ହୋଇଥିବା ନାରୀଙ୍କୁ ଉଦ୍ଧାର କରି ଗଙ୍ଗା ନଦୀ ପାର ହୋଇ ମିଥିଳାରେ ପହଂଚି ଥିଲେ l ସେଠାରେ ଲକ୍ଷେ ରାଜାଙ୍କ ଉପସ୍ଥିତିରେ ଶିବ ଧନୁ ଭଗ୍ନ କରି ରାଜସଭାରେ ପ୍ରଶଂସିତ ହୋଇ ସୀତା ଦେବୀଙ୍କୁ ବିବାହ କରିଥବା ନାଟକ ଦୃଶ୍ୟ ଅତି ମନ ମୁଗ୍ଧ ହୋଇଥିଲା l ଏହି ନାଟକର ବିଭିନ୍ନ ଭୂମିକାରେ ଦଶରଥ -ପିତାମ୍ବର ମେହେର, ସୁମନ୍ତ୍ର -ଟଙ୍କଧର ମେହେର, ବସିଷ୍ଠ -ଥପା, କୌଶଲ୍ୟା -ଘାଷି, କୈକେୟୀ -ସିଦ୍ଧେଶ୍ୱର, ସୁମିତ୍ରା -ସୁରୁବାବୁ, ମନ୍ଥରା -ପବିତ୍ର , ଜନକ -ନେପାଳ, ସତ୍ୟାନନ୍ଦ -ସନ୍ତୋଷ, ମନ୍ତ୍ରୀ -ଅଜିତ, ରାମ -ଚୂଡ଼ାମଣି, ଭରତ -ସଂଜୀବ, ଲକ୍ଷ୍ମଣ -ରଞ୍ଜନ, ଶତ୍ରୁଘନ -ସୁଜିତ, ବିଶ୍ଵାମିତ୍ର -ରବୀନ୍ଦ୍ର, ଛପରି -ବୁଦ୍ଧଦେବ, ଛପରl - ସୁମନ୍ତ, ନଟିଆ -ଲଳିତ, ଭଗିଆ -ବିନୋଦ, ସୁବlହୂ -ମନ୍ତ୍ରୀ, ମାରିଚ-ବିରେନ, ତlଡକା -ନାରାୟଣ, ମଗଧ -ହରି, ଅଙ୍ଗପତି -ବିବେକା, ବଙ୍ଗପତି -ବୈଶାଖୁ , ଶୈସ୍କଲ -କୁଶ, ସୌରାଷ୍ଟ୍ର ପତି -ସୁମନ୍ତ, ନାରାୟଣ ଦେବ -ବିଭୀ ପ୍ରମୁଖ ଅଭିନୟ କରିଥିଲେ l ଓଡିଶା ଷ୍ଟେଟ ବ୍ରିଗେଡ଼ ସ୍କୁଲର ଛାତ୍ରୀ ମାନଙ୍କ ଦ୍ଵାରା ନୃତ୍ୟ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l ମଙ୍ଗଳବାର ସକାଳ 9 ଟାରେ ପ୍ରଭୁଙ୍କ ତିଳତର୍ପଣ କରାଯାଇ ନଗର ପରିକ୍ରମl କରାଯାଇଥିଲା l ଏଥିରେ ଶହ ଶହ ମହିଳା ପୁରୁଷ ସାମିଲ ହୋଇଥିଲେ l ଗ୍ରାମ୍ୟ ମହିଳାଙ୍କ ଦ୍ଵାରା 101 ପ୍ରକାର ମିଷ୍ଟlନ୍ନ ପ୍ରସ୍ତୁତ କରାଯାଇ ଗ୍ରାମ ପରିକ୍ରମା କରି ପ୍ରଭୁ ରାମଚନ୍ଦ୍ର ଓ ମାତା ସୀତାଙ୍କ ନିର୍ବନ୍ଧ କାର୍ଯ୍ୟକ୍ରମ ଜଗନ୍ନାଥ ମଣ୍ଡପରେ ଅନୁଷ୍ଠିତ ହୋଇଥିଲା l ସନ୍ଧ୍ୟାରେ ରାମ, ଲକ୍ଷ୍ମଣ, ଭରତ, ଶତ୍ରୁଘନଙ୍କୁ ନେଇ ଏକ ବିରାଟ ବିବାହ ଶୋଭାଯାତ୍ରାରେ ବାହାର କରାଯାଇ ଗଙ୍ଗାଧର ଛକ, ହାରିବଂଶ ଛକ, ତ୍ରିନାଥ ସାହି, ଜଗନ୍ନାଥ ମନ୍ଦିର ସାହି, ଦୈନିକ ବଜାର, ସ୍କୁଲ ପଡା ଦେଇ ମଣ୍ଡପରେ ପହଂଚିବା ପରେ ବିବାହ କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା l

ପ୍ରଚଣ୍ଡ ରୌଦ୍ର ତାପ ସହ ଜଳକଷ୍ଟ ଭୋଗୁଛନ୍ତି ନୁର୍ପା ବାସୀ ମେଗା ପାନୀୟ ଜଳରୁ ବଞ୍ଚିତ ପୁରା ଗାଁ I

ବୌଦ୍ଧ : ପ୍ରଚଣ୍ଡ ରୌଦ୍ର ତାପ ସହ ଜଳକଷ୍ଟ ଭୋଗୁଛନ୍ତି ନୁର୍ପା ବାସୀ ,, ମେଗା ପାନୀୟ ଜଳରୁ ବଞ୍ଚିତ, ପୁରା ଗାଁ I ଗ୍ରାମରେ ୨ହାଜର ଲୋକଙ୍କ ପାଇଁ ଗୋଟିଏ ନଳକୂପ, ଅଭିଯୋଗ କରି ଥକି ଗଲେଣି ଗ୍ରାମବାସୀ I ପାଣି ପାଇଁ ଲାଗୁଚି ଲମ୍ବା ଲାଇନ I ଆସନ୍ତୁ କଣ୍ଟାମାଲ ରୁ ଦେଖିବା ଏହି ରିପୋର୍ଟ I

ଏ ହେଉଛି ବୌଦ୍ଧ ଜିଲ୍ଲା କଣ୍ଟାମାଲ ବ୍ଲକ ମନମୁଣ୍ଡା ପଂଚାୟତ ର ନୁର୍ପା ଗ୍ରାମ I ଗ୍ରାମରେ ପ୍ରାୟ 2000 ଲୋକ ରୁହନ୍ତି I ଏପଟେ ଏତେ ଲୋକଙ୍କ ପାଇଁ ମାତ୍ର ଦୁଇନଳକୂପ I ଏପଟେ ବୌଦ୍ଧ ଜିଲ୍ଲାରେ ପାରଦ ୪୩ ଡିଗ୍ରୀ ଉପରେ ଥିବା ବେଳେ ମାର୍ଚ୍ଚ ମାସରୁ କଣ୍ଟାମାଲ ବ୍ଲକରେ ଦେଖିବାକୁ ମିଳିଲାନି ଜଳକଷ୍ଟ | ଲୋକେ ପିଇବା ପାଣି ପାଇଁ ବହୁ ଅସୁବିଧାର ସମ୍ମୁଖୀନ ହେଉଛନ୍ତି I ପାଣି ସମସ୍ୟା ନେଇ ଗ୍ରାମବାସୀ ସ୍ଥାନୀୟ ସରପଞ୍ଚ ଙ୍କ ଠାରୁ ଆରମ୍ଭ କରି ବିଭାଗୀୟ ଯନ୍ତ୍ରୀ ଏପରିକି ଜିଲ୍ଲାପାଳଙ୍କ ନିକଟରେ ଅଭିଯୋଗ କରି ଆସୁଥିଲେ ମଧ୍ୟ ଏହାର କୌଣସି ସ୍ଥାୟୀ ସମାଧାନ ହୋଇ ପାରି ନାହିଁ | ସରକାରଙ୍କ ପକ୍ଷରୁ କୋଟି କୋଟି ଟଙ୍କା ଖର୍ଚ୍ଚ କରି ନିର୍ମାଣ ହୋଈଥିବା ପ୍ରକଳ୍ପ ଲୋକଙ୍କ କାମ ରେ ଆସୁ ନାହିଁ |

ଏଭଳି ଏକ ସମସ୍ୟା ଦେଖିବାକୁ ମିଳିଛି ତେବେ ଗାଁରେ ପିଇବା ପାଣିର ଅଭାବ ମୁଖ୍ୟ ସମସ୍ୟା ହେଉଛି | ଗାଁ ରେ ଦୁଇଟି ନଳକୂପ ଥିବା ବେଳେ ସେହି ନଳକୂପରେ ସକାଳୁ ମହିଳାଙ୍କ ଲମ୍ବା ଲାଇନ ଲାଗିଥାଏ | ସେହି ନଳକୂପରେ ପାଣି ନେବା ସହ ଗାଧୁଆ ପାଇଁ ଖରାରେ ଲମ୍ବା ଲାଇନ ଲାଗିବା ସହ ବହୁ ବିଳମ୍ୱ ହୋଈଥାଏ ବୋଲି ଗ୍ରାମବାସୀ ଅଭିଯୋଗ କରିଛନ୍ତି | ଲୋକଙ୍କ ଆବଶ୍ୟକତା ଦୃଷ୍ଟିରୁ ପାଣି ପର୍ଯ୍ୟାପ୍ତ ହେଉ ନ ଥିବା ବେଳେ ମହିଳାଙ୍କ ସହ ପୁରୁଷ ମାନେ ମଧ୍ୟ ପାଖାପାଖି ୧ କିଲୋମିଟର ଦୂରରେ ଥିବା ନଳକୂପକୁ ପାଣି ନେଇ ଯିବାକୁ ବାଧ୍ୟ ହୁଅନ୍ତି | ପ୍ରଚଣ୍ଡ ଖରା ସହ ମହିଳା ଓ ପୁରୁଷ ମାନେ ପାଣି ନେବାରେ ବହୁ ସମସ୍ୟାର ସମ୍ମୁଖୀନ ହୁଅନ୍ତି ।

ଅନେକ ସ୍ଥାନରେ ଟ୍ୟାପ ଲାଗି ନାହିଁ I କିନ୍ତୁ ପାଇପରେ ପାଣି ଆସୁନି | ଏପଟେ ଠିକାଦାର ନିମ୍ନମାନ ର କାମ ଯୋଗୁଁ ଗାଁ କୁ ପାଣି ନ ଆସିବା ପୁର୍ବରୁ ଷ୍ଟାଣ୍ଡପୋଷ୍ଟ ସବୁ ଭାଙ୍ଗିବାକୁ ବସିଲାଣି I ବିଶୁଦ୍ଧ ପାନୀୟ ଜଳ ସତେ ଯେମିତି ନୁର୍ପା ବାସିଙ୍କ ପାଇଁ ସାତ ସପନ | ବୌଦ୍ଧ ଜିଲ୍ଲା ରାଜ୍ୟର ଉତ୍ତପ୍ତ ସହର ହୋଈଥିବା ବେଳେ ପାଣି ସମସ୍ୟା ଲୋକଙ୍କ କଷ୍ଟକୁ ଦ୍ବିଗୁଣିତ କରିଛି I ଆଗାମୀ ୩ ଦିନ ମଧ୍ୟରେ ପାଣି ସମସ୍ୟାର ସମାଧାନ ନ ହେଲେ ଗ୍ରାମର ମହିଳା ମାନେ ଗରା ବାଲଟି ଧରି ବ୍ଲକ କାର୍ଯ୍ୟାଳୟ ସମ୍ମୁଖରେ ଧାରଣା ଦେବେ ବୋଲି କଡା ଚେତାବନୀ ଦେଇଛନ୍ତି Iଗ୍ରାମବାସୀଙ୍କ ପାନୀୟ ଜଳ ସମସ୍ୟାକୁ ଦୃଷ୍ଟିରେ ରଖି ଆବଶ୍ୟକୀୟ ପଦକ୍ଷେପ ଗ୍ରହଣ କରିବାକୁ ସାଧାରଣରେ ଦାବୀ ହେଉଛି ।

ନାରାୟଣନଗର ଶ୍ରୀଜଗନ୍ନାଥ ଓ ଶ୍ରୀରାମ ଯୁଗ୍ମ ମନ୍ଦିରରୁ ଚୋରି ଉଦ୍ୟମ

ନାରାୟଣନଗର ଶ୍ରୀଜଗନ୍ନାଥ ଓ ଶ୍ରୀରାମ ଯୁଗ୍ମ ମନ୍ଦିରରୁ ଚୋରି ଉଦ୍ୟମ, ପୋଲିସର ସିସିଟିଭି ଫୁଟେଜ ଯାଞ୍ଚ ବୌଦ୍ଧ ବ୍ଲକ ଲୋକକଳା ଗ୍ରାମ ନାରାୟଣନଗର ଠାରେ ଜାନୁଆରୀ 24 ତାରିଖ ଠାରୁ ଫେବୃଆରୀ 2 ତାରିଖ 11 ଦିନ ଧରି ନୂତନ ଭାବେ ନିର୍ମିତ ହୋଇଥିବା ଯୁଗ୍ମ ମନ୍ଦିର ପ୍ରତିଷ୍ଠା ହୋଇଥିଲା l

ପ୍ରତିଷ୍ଠା ହେବାର ଏକ ମାସ ବିତି ଯାଇ ଥିବା ବେଳେ ଏହି ଯୁଗ୍ମ ଶ୍ରୀଜଗନ୍ନାଥ ଓ ଶ୍ରୀରାମ ମହାପ୍ରଭୁଙ୍କ ମନ୍ଦିରରୁ ରାତି 12:22 ରେ ଗୋଟିଏ ଚୋର ମନ୍ଦିର ଭିତରେ ପଶି ଚୋରି ଉଦ୍ୟମ କରିଥିଲା l ସେଇ ଚୋରଟି ମୁଖରେ ହନୁମାନ ମୁଖା ପିନ୍ଧି ଥିବା ବେଳେ ଲାଲ ରଙ୍ଗର ଗାମୁଛା ଘୋଡାଇ ହୋଇଥିଲା l ଏହା ସହ ଢିଲା ପେଣ୍ଟ ସାର୍ଟ ପିନ୍ଧିଥିବା ସିସିଟିଭିରେ କୟତ ହୋଇଛି l ଚୋରଟି ମୁଖ୍ୟ ଗେଟଟିକୁ ମନ୍ଦିର ଭିତରକୁ ଲୁହା ରଡ଼ରେ ତାଡି ଥିବା ବେଳେ ଅନ୍ୟ ଗେଡ଼ ଗୁଡିକ ମଧ୍ୟ ଲୁହା ରଡ଼ରେ ତାଡି ଦେଇଥିବା ଜଣା ପଡିଛି l ଚୋର ଦୀର୍ଘ 15 ମିନିଟ ସମୟ ମନ୍ଦିର ଭିତରରେ ପଶି ଏତେ ପରିଶ୍ରମ କରିଥିଲେ ମଧ୍ୟ୍ୟ କୌଣସି ସାମଗ୍ରୀ ଚୋରି କରିନାହିଁ l ଚୋର ଯାଇଥିବା ବେଳେ କୌଣସି ସାମଗ୍ରୀ ଚୋରି ହୋଇନଥିବl ଜଣା ପଡିଛି l ତାକୁ ବାହାର ପଟୁ ଦୁଇ ଗୋଟି ଚୋର ସହଯୋଗ କରୁଥିବା ସିସିଟିଭିର ଭିଡିଓରେ କୟଦ ହୋଇଛି l ସେହିପରି ଅନ୍ୟ ଚୋର ଗୁଡିକ ମୁଖା ପିନ୍ଧିଥିବା ଜଣାପଡିଛି l ସକାଳ 5 ଟାରେ ମନ୍ଦିର ପୂଜକ ପୂଜା କରିବା ପାଇଁ ଆସିଥିବା ବେଳେ ଗ୍ରିଲ ଭଙ୍ଗା ହୋଇଥିବା ଦେଖିବାକୁ ପାଇଥିଲେ l

ଏହା ପରେ ମନ୍ଦିର କମିଟିକୁ ଖବର ଦେଇଥିଲେ l କମିଟି ପକ୍ଷରୁ ଜହ୍ନlପଙ୍କ ଫାଣ୍ଡି ପୋଲିସ ଖବର ଦିଆଯାଇଥିଲା l ଜହ୍ନlପଙ୍କ ଫାଣ୍ଡି ଅଧିକାରୀ ପ୍ରଶାନ୍ତ ମଲ୍ଲିକ ମନ୍ଦିର ନିକଟକୁ ସିସିଟିଭି ପୁଟେଜ ଯାଞ୍ଜ କରୁଥିବା ଜଣା ପଡିଛି l

ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଅଭିଯୋଗ ପ୍ରକୋଷ୍ଠରେ ଆଜିଠୁ ଆରମ୍ଭ

ଲୋକଙ୍କ ମୁଖ୍ୟମନ୍ତ୍ରୀଙ୍କ ଲୋକଙ୍କ ଅଭିଯୋଗ ଶୁଣାଣି କାର୍ଯ୍ୟକ୍ରମର ଆଜି ଥିଲା ନବମ ପାଳି।  ଅଭିଯୋଗ ପ୍ରକୋଷ୍ଠରେ ମୁଖ୍ୟମନ୍ତ୍ରୀ ଶ୍ରୀ ମୋହନ ଚରଣ ମାଝୀ ଲୋକଙ୍କ ସମସ୍ୟା ଓ ଦୁଃଖ ଶୁଣିବା ସହିତ ଏହାର ସମାଧାନ ଓ ପ୍ରତିକାର ପାଇଁ ତତ୍‌କାଳ ପଦକ୍ଷେପ ନେଇଛନ୍ତି।

ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶକ୍ରମେ ଅଭିଯୋଗ ପ୍ରକୋଷ୍ଠରେ ଆଜିଠୁ ଆରମ୍ଭ ହୋଇଛି ଏକ ସ୍ୱତନ୍ତ୍ର ଅଭିଯାନ। ସିଙ୍ଗିଲ୍ ୱିଣ୍ଡୋ ସିଷ୍ଟମରେ ଅସାଧ୍ୟ ଓ ଦୂରାରୋଗ୍ୟରେ ପୀଡ଼ିତ ବ୍ୟକ୍ତିଙ୍କୁ ମୁଖ୍ୟମନ୍ତ୍ରୀଙ୍କ ରିଲିଫ୍ ପାଣ୍ଠିରୁ ତୁରନ୍ତ ସହାୟତା ଯୋଗାଇ ଦିଆଯାଉଛି।

ଏହି ବ୍ୟବସ୍ଥାରେ ଚିକିତ୍ସା ଖର୍ଚ୍ଚ ପାଇଁ ପୁରୀ ଜିଲ୍ଲାର ନିମାପଡ଼ାରୁ ଆସିଥିବା ପକ୍ଷାଘାତ ଆକ୍ରାନ୍ତ ହେମନ୍ତ ସାହୁଙ୍କୁ ₹୧ ଲକ୍ଷ, ଖୋର୍ଦ୍ଧା ଜିଲ୍ଲା ନିରାକାରପୁରରୁ ଆସିଥିବା ପକ୍ଷାଘାତ ଆକ୍ରାନ୍ତ ବିଚିତ୍ର ପାଇକରାୟଙ୍କୁ ₹୧ ଲକ୍ଷ, ବାଲେଶ୍ୱର ଜିଲ୍ଲା ଭୋଗରାଇରୁ ଆସିଥିବା ବୋନ୍ ମ୍ୟାରୋ କ୍ୟାନସର ପୀଡ଼ିତା ହାଜିରା ବିବିଙ୍କୁ ₹୩ ଲକ୍ଷ ଏବଂ କନ୍ଧମାଳ ଜିଲ୍ଲା ଟିକାବାଲିରୁ ଆସିଥିବା କ୍ୟାନସର ପୀଡ଼ିତା ଇନ୍ଦୁ ବେହେରାଙ୍କୁ ₹୧ ଲକ୍ଷ ସହିତ ଗଜପତି ଜିଲ୍ଲାରୁ ପୁଅର ଚିକିତ୍ସାରେ ସର୍ବସ୍ୱାନ୍ତ ହୋଇଆସିଥିବା ଶ୍ରୀମତୀ ରଶ୍ମିତା ନାୟକଙ୍କୁ ₹୧ ଲକ୍ଷର ସହାୟତା ରାଶି ମୁଖ୍ୟମନ୍ତ୍ରୀ ତୁରନ୍ତ ମଞ୍ଜୁର କରିଛନ୍ତି।